Diapāson, artea gizarteratzeko modu gisa

Caritas Bizkaiaren, Diapāson proiektuaren bidez, artea gizarteratzeko eta mundua hobeto ulertzen laguntzen duten sormen-gaitasunak sustatzeko tresna gisa duen ahalmenean sinesten dugu.

Kultura eraldatzeko ahalmenaren uste osoa dugu. Bertolt Brech-ek zioen bezala, “Arte guztiek laguntzen dute ARTEA bizitzen”. Gure esku hartzeko ereduaren bidez, pertsona bakoitzaren garapen integralaren ikuspegitik, bazterkeria eta zaurgarritasun egoeran dauden pertsonek duintasunez eta autonomiaz bizitzeko, kultura eskuratzeko, modalitate guztietan, dituzten eskubideak eskuratzeko egiten ditugun ekintza guztien alde egin dugu.

Kultura gure proiektuetan parte hartzen dutenentzako ohiko eta funtsezko bidea eta tresna izatea nahi dugu, gizarteratze, bide-laguntza eta eraldaketa sozialaren helburuak betetzen laguntzeko. Areto, antzoki, orkestra, abesbatza, museo, zirku, erakunde pribatu eta abarrekin ditugun lankidetzen bidez, pertsonen eskubide sozial eta kulturalen alde lan egingo duen kultura inklusiboa, irisgarria, enpatikoa eta afektiboa sortzen laguntzen dugu. Bestalde, modu egonkorrean mantentzen ditugun lankidetzen bidez, kultura-programatzaileek aniztasunari begira jartzen laguntzen dugu, berrikuntza- eta hazkunde-iturri gisa sar dezaten, kultura integratzailearen normalizazioa sustatuz, zeharka eta denboran konpromisoa hartuz.

Diapāson programaren helburuetako bat gizartea sentsibilizatzea eta desberdintasun- eta pobrezia-errealitateak ezagutaraztea da, eta, aldi berean, artea eta sentsibilizazio- eta elkartasun-ekintzetan egotea.

Gure proiektu eta zerbitzuetara jotzen duten parte-hartzaile gehienak, zoritxarrez, oso egoera gogorrak bizitzen ari dira, arteaz gozatzeko modurik izan ez den lekuetan. Diapāson proiektuaren bidez, beren buruak eta bihotzak alaitzea, pertsona bakoitzak daramagun motxila hori bizi-esperientzia garrantzitsuez betetzea lortu nahi dugu, kulturak (musika, pintura, dantza, etab.) eguneroko bizimoduari hobeto aurre egiteko emozio positiboak sor ditzan.

Frogatuta dago emozio positiboek gure erresilientzia hobetzen dutela (egoera desberdinei aurre egiteko behar diren baliabide emozionalak), gure kontzientzia handitzen dutela eta arazoak konpontzeko aukera gehiago ikusten laguntzen digutela.

Hainbat biztanleria-talderekin batera aritzen gara, haurtzarotik, nerabezarotik, helduengandik eta edadetuengandik. Hainbat herrialdetakoak dira, kultura, hizkuntza eta erlijio desberdinetakoak. Bizi-baldintza zailak dituzten pertsonak: etxegabekeria, ezgaitasuna (bereziki mendekotasunak eta buru-eritasuna), gizarte- eta familia-sarerik gabeko gazte migratzaileak, bakarrik dauden pertsona edadetuak, etab. Eta Diapāson proiektuaren bidez, osasun mental eta emozional positiboa bultzatu nahi dugu, ongizatea eta bizimodu osasungarria bilatuz.

Azkenik, baina ez garrantzi gutxiagokoa, Diapāson -ekin pertsonak protagonista izatea eta beren gaitasun artistikoak ikustea sustatzen dugu koruetan, antzerki-lanetan, dantzetan eta abarretan parte hartuz. Horren adibide bat Auzo-talentua , IV. edizioan. Aurten, 2023ko azaroaren 28an, 18:00etan, Bilborocken. Esteka honen bidez erregistra zaitezke

Amaitzeko, Jon Updikeren testu bat erabili nahi dugu, Diapāson laburbiltzen duena: “ARTEAK eskaintzen duena espazioa da, espirituarentzako atsedena”.