2023 Abuztua

“Hazkunde neurritsua eta gutxirekin gozatzeko gaitasuna”( LS, 222 )

Lotu zure bizimodua pobreziarekin, lotu zure bizitzako ohitura hauek::

#ConectaAguaPobreza

Ez dugu ahaztu behar eremu guztietan ura alferrik galtzea elkartasunik gabeko ekintza bat dela erabateko eskasia duten eremu guztiekin. Ur-eskaera funtsezko ez diren helburuetarako ere handitzen da, hala nola kontsumo- eta aisialdi-ondasun batzuetarako.

“Eskura dagoen uraren kalitatea etengabe hondatzen ari den bitartean, leku batzuetan pribatizatzeko joerak aurrera egiten du, merkatuko legeek arautzen duten salgai bihurtuta. Egia esan, edateko ura eta segurua eskuratzea giza eskubide oinarrizkoa, funtsezkoa eta unibertsala da, pertsonen biziraupena zehazten baitu, eta, beraz, gainerako giza eskubideak jarduteko baldintza da. Mundu honek zor sozial larria du edateko urik ez duten pobreekin, hori baita haien duintasun besterenezinean oinarritutako bizitzeko eskubidea ukatzea.” (LS, 30)

• Jabetu: Aldatu zure jarrera urarekiko, jo ezazu gizateriaren ondare, ondasun komun, altxor bezala. Badakizu zer aztarna hidriko uzten duzun? Zure aztarna hidrikoaren neurgailu hau erabil dezakezu: www.waterfootprint.org
• Murriztu zure ur-kontsumoa: pertsona bakoitzak ura aurreztu eta kontu handiz erabili behar du. Jarraitu etxeko ur-kontsumoa murrizteko kanpainetako aholkuei.

• Produktu kimikorik gabeko elikagaiak kontsumitu, eta, hala, ekoizpen agroekologikoa sustatuko duzu.
• Egin keinu bat. Libera Proiektuan parte hartu: https://proyectolibera.org/
• Botilako ura gutxiago erabili. Erabili botila berrerabilgarriak, eta ahal duzun guztietan iturriko ura edan.

#ConectaMovilPobreza

Zure smartphone-a odolez zikinduta dago. Koltango kiloko bi llagun hiltzen dira Kongoko Errepublika Demokratikoan.

“Berriro zabaldu daiteke begirada, eta giza askatasuna gai da teknika mugatzeko, orientatzeko eta beste aurrerapen mota baten zerbitzura jartzeko, osasungarriagoa, gizatiarragoa, sozialagoa, integralagoa” (LS, 112)

• Aprobetxatu ahalik eta gehien mugikorren balio-bizitza. Berritu behar izanez gero, bota aurretik adiskide edo senide bati ematea baloratu, eta birziklatze-puntu bat erabili.
• Mugikor jasangarriak erosi. Telefonoak sortzean iraunkortasunaren alde egiten duten markak badaude, materialen jatorriaz arduratzen direnak eta fabrikazioan substantzia toxikorik sortzea ekiditen dutenak. Gainera, mugikorrak iraunkortasunean pentsatuz egiten dituzte, 4 urte arteko bermeekin, zaharkitzapen programaturik gabe. Smartphone iraunkorrak egiten dituzten marketako batzuk Fairphone, Teracube edo Shift dira, baina kontuan izan behar da telefono ekologikoena eskura duguna dela, eta, beraz, ahal den guztia aprobetxatu behar dela.
• Beste ekintza batzuk:
  • Erabili teknologia gizarte-sarea indartzeko: Next Door edo ¿Tienes Sal? bezalako aplikazioak deskarga ditzakezu eta zure auzoko jendearekin, bizilagunekin eta auzoan gertatzen den guztiarekin konektatuta egoteko modua ezagutu, azken unean umezaina aurkitzeko, zerbait saldu, zerbait erosi edo doan eramateko, ekitaldi bat, futbol-partida bat, saskibaloi-partida bat edo yoga klase bat antolatzeko, bizilagunari laguntzeko, zuen auzoa leku komunitario bihurtzeko.
  • Zabaldu Justizia eta Bakearen #ConflictMinerals kanpaina: http://conflictminerals.es/es/portada-es/
  • BAN (Basel Action Network) Kanpaina zabor elektronikoaren jarraipena: www.ban.org