GAZTE ON

Zertan datza proiektua?

Gazte On programa 2020an sortu zen, Bizkaiko Foru Aldundiko Gizarteratze Zuzendaritzaren ekimen gisa. Gaur egun beste erakunde batzuek ere parte hartzen dute, hala nola Peñascal Fundazioak, Adsisek, Caritas Bizkaiak, Otxarkoaga Prestakuntza Zentroak eta Somorrostro Prestakuntza Zentroak.

Norentzat da proiektua?

Bizkaian erroldatuta dauden eta Aldundiaren Gazte Estrategian parte hartzen duten 18 eta 23 urte bitarteko gazteei zuzenduta dago.

Zer lortu nahi du proiektuak? 

Proiektuaren bidez, gazte horiei laneratzeko aukera eman nahi zaie, beren lana garatzeko beharrezkoa den prestakuntza espezifiko baten bidez, enpresan praktikak egin ondoren, parte hartzen duten gazteak enpresa horretan bertan sartu ahal izan daitezen lan-bitartekaritzaren bidez.

Baina GazteOn ez da prestakuntza- edo laneratze-proiektu bat soilik, gazte horiei laguntza sozial eta integrala ematen baitie beren bizitzako alderdi guztietan: emozionalean, osasunean, etxebizitzan, ekonomian, juridikoan, administrazioan, harremanetan eta abarretan, haien egunerokoan hobekuntza lortzeko eta beren bizitzarako beharrezkoak diren trebetasunak eta gaitasunak eskuratzeko helburuarekin.

Non egiten da?

Caritas Bizkaiak kudeatzen dituen ibilbideak Somorrostro Prestakuntza Zentroan egiten dira.

Laneratzeko prozesua Somorrostro prestakuntza-zentroarekin eta Caritas Bizkaiarekin lankidetzan egiten da, gazteak txertatzen diren enpresetan.

Parte-hartzaileen laguntza sozial eta integrala Caritas Bizkaiaren bidez egiten da, bai Somorrostro prestakuntza-zentroan, bai Ekin zentro komunitarioan (Otxarkoaga).

Nork kudeatzen du?

Proiektu hau Bizkaiko Foru Aldundiak finantzatzen du eta hainbat erakundek kudeatzen dute, besteak beste, Caritas Bizkaiak, Peñascal Fundazioak, Adsisek, Somorrostro Prestakuntza Zentroak eta Otxarkoaga Heziketa Zentroak.

Caritas erreferentea den ibilbideak Somorrostro Prestakuntza Zentroarekin lankidetzan egiten dira: arku urperatuko soldadura eta azaleko tratamenduak.